一年容易又包糭
June 14th, 2007 by Shizugi
很多朋友也知道我懂得包糭，但只得兩個朋友食過我包的糭，其中一個是sputnik。 事隔一年，我依然不敢問Sputnik，當日給她的糭，究竟有無問題。
原因是我將糭交給sputnik後，我媽跟我說”今年d咸肉糭好似無落鹽，d鹼水糭好似落唔夠鹼水”，後來，我媽還要加多句”希望唔會食到妳朋友一家肚痛啦!”。 然後，我足足擔心了一年，到現在還擔心sputnik當日食過我包的糭後有沒有肚仔痛。
不知不覺又到端午節，由於我舅父訂了端午節那天的機票回加拿大，我爸媽今日要回大陸陪我舅父星期六回港，我媽昨晚決定又大展身手-包糭。
不過，今年無我份。
原因有點複雜，又有點尷尬。 由於我家習慣會在端午節放些糭上神檯，供奉給觀音和祖先，而我剛好又… …”親戚”到，我媽就不給我包。
今年包了四十多隻咸肉糭和鹼水糭，究竟要食多久呢? 我相信這次會很快，因為我媽拿了十隻回大陸給我婆(原來我婆係未食過我媽包既糭，因為我婆以前日日包黎賣，唔食我媽包個d，食私伙糭!)。
我媽說過很多次，我包的糭自己食或送給朋友還可以，要是包來賣的話，一定不行，因為我包得很大隻，包來賣的話肯定賠本。
其實她自己包的糭也很大隻，只不過我爸說太大隻，一餐也食不完，這兩年我媽才肯包細一點。
如果我包的，差不多比我媽包的這隻大三份一，所以，每年包糭時，我媽也會不停罵我”妳包到咁大隻邊到靚架!”，然後，一手搶過我包的糭，拆件再包。 (每年平均包五隻就會俾佢拆兩隻!)
不過，我媽後生時，真的是有一對巧手，可以包出一些跟火機差不多大小的迷利鹼水糭，不過這幾年也很少見她包迷利版了，當然，也別以為我會懂得包迷利版，加大版我就懂包，嘻。
- 6 Comments »
- Posted in 飲飲食食 |
放心! 冇事! (唔係我~)
我唔記得有冇同你講, 上年你比糭我時, 我屋企嚟左一大班親戚(留宿一個月個隻). 我拎左啲糭返屋企之後, 只不過係事隔數日想拎嚟食, 太后話: “你想食糭? 食晒啦喎!” 於是屋企明明成個雪櫃都係變成空無一糭. 原來啲親戚一人一日一隻做早餐…
我唔好意思就真啊, 你咁辛苦包埋比我, 但係我一啖都未食過 (嗚~)
而事實係, 以我勁鐘意食糭嚟講, 上年係屋企只係食左半隻 (好彩係公司有同事比隻我當lunch). 好彩我上星期六都睇住木村食左一隻, 哈哈!
June 14th, 2007 at 9:55 am我覺得識包糭好厲害既一鍵事~妳真勁~！
June 14th, 2007 at 11:05 am好．想．食．流．口．水．中……
June 14th, 2007 at 3:47 pmsputnik: 還好sputnik一家連同親戚平安無事。
(我好像有d強迫sputnik要咁，哈~)
June 14th, 2007 at 11:46 pm我其實對糭麻麻地，今年已經破晒例，食過兩隻，以往真係一年都未必食到一隻丫。哎呀，唔知道添，如果唔係今年包多ｄ俾ｄ妳嘛，今年缺貨，下年留定貨俾妳丫，嘻。
Oasis: 包糭其實唔難架，不過事前功夫多，所以依家唔多人包咋。
June 14th, 2007 at 11:47 pmmiko: 哎呀，下年包多d，送d俾妳食丫。
June 14th, 2007 at 11:49 pm